User:Zam Sian Sang

From Wikipedia, the free encyclopedia

Zam Sian Sang GualnamZamSianSang

Samuel Sang; ka behmin pen Gualnam hi. Ka nu in, Sangbawi ci in ong sam hi. Ka neu lai in, Zambul ong ki ci hi. Lungbawk lua hi tuak hi. In ah ka pa te ka ni te in, Sang ong ci uh hi. HighSchool ah ka lawm te in SiaSang ci ong ong sam hi. College/Sangah ka lawmte in, Master in in ong sam hi. Gamdang ah ka nasepna supervisor pa in, Mentar(Actor) ci in ong sam hi. Ka naseppih lawmpa khat in, Abbaa ci in min ong phuah hi. Nasep na pu in Afha (Senpau) ong ci hi. Ka lawmte in Zasang ci in ong sam uh hi.


Ka ==neulai thu== Sanggah vontwi ka hi a, Ka pa in, a paithei nailo kha 14 (14 months) ka phak laitak in gilpi natna tawh leitung ong nusiat san a; ka it ka Nu leh ka Pilehpute, ka Pa neu te, ka ni te leh ka sanggam pa, ka laiguizom ka U PauLamKhai tawh Thangho Liando bang in tuni ciang ka nungta liailiai uh hi.

==Ka Neulai== in,Kalu gol in, ka mitdeu a, ka kenglam neu ahih man in, ka innkuan pih te in, i nau aw, lam ong paithei kei kha zen leh maw! ci in a poi phial ding ong sa mai uh hi, Khat veivei ong 'keupum aw' on ci thei hi. Kell ka khawi uh a, kell ka cing den hi. Sangkah kawmkawm sa in, kel khawi in, ka u nau ka sanggam teng tawh kellcing in ka kizui ngeingai thei uh hi. Ka Pa no, KaPa in ong itlua in, a theihpeuh ong hilh hilh hi. Gamlak a pai ciang na ngawn in ong kizui sak hi. Saphu zong ciang ahih zongh in, cimbeng zong ciang a hi zongh in ong lawmta bawl in ong kizui saksak hi, hih pen ka khaw thih kum14 ka phak ma aciang hi. Tua te mah tawh ka khang to a, singkungkah cih, kendang pai cih te a kipan, gamlak vak dan pilna leh hilhna a tuamtuam, gamsung dan, nileh kha thu leh hun tawh kizui a mihing te leh ganhing tampi tak in gamtat ngeina cih te leh thu huipi tampi ka Pa (Pano) in ong siamkim sak dikdek hi. Ka neulai ka nasepte pen, kellcing, kelan la, singpua, lokuan, khuaizongh,ngaman, laisim, sangkah, kimawl, nipi Sunday niciang in cimbeng zong, gamlak ah giakzel, pakzong, saphu zong, khualzing cih peuh tawh ka khangkhia hi. SDA ka hi a, Pasianthu tawh ka neutung in pattah na ka ngah khak zongh, Tung Pasian anglim belhmuan huai ka phawk ka kiik zel hi. Tangman ciim ka duhkei hi. Tui peh uk ka hih man in, kel-an zongkawm in zalui tuilam ah tui ka peksim zel hi. Hiangtui bual ah zongh cikh tui phul ciang in tui peh ka kisin a ka siam hi.

Ka ==Nuntakna==Ka U neihsun PauKhai tawh [Thang ho leh Liando] bang in genthei tak in ka khang uh hi. Nawi ka ngawlh zawh ciang in, ka nu in, ka Innpii pan un inn dang ong sappih in ...belhna ding munkip neilo a belhding zong a sak leh khang a ong taipih kawikawi na te ka mitkha a ka bawlthei zel lai ing. A sawt sawt ciangin,ka it ka Tunnem pen Naw lam leh Ma lam ah a valval a hehpihhuai meigong ong suak maita in a mah tawh a om khawmding a hehnem ding ong in Pa GinSuan, PaKhupMang te tawh ...ong kithei thei a.... Ka pianna ka ZuaSianm ka Pa GinLamLian pen, Upen a hi a, kote lokhawh tawh ong vak in, kei a Vondeih ong itlua kisa in ngaplo pipi, dammawh pipi mawh in dai lak khawng ah vasa ong mat saksak sa tawh ong vakvak hi. Ken, ka pianna ka pa a mel a mang ka thei kei hi; maan na ngawn in zongh ka mukha ngei kei hi. Ka it kaTunnem in Tu a ka PaKhup tawh hibangin tudong mah ong nuntak khawm thei uh lungdam pih in; kei i ka It mahmah Ka Tunnu leh ka Pa mah zahtakna pia in, lungdam ka ko behlai hi.

[edit] Siamsin

Ong bawl Pasian min ka phat masa hi. Tan Khat (grade 1)a kipan in Tan 10 laivuanpi ka ong dong, 1st postition (a khatna) 3 vei ka taisuah hi. Nitak electric mei a hi zongh in, meilah ahih zongh in, khuaimei, lalcin ahi zonghin khatpeuhpeuh zangh in lai ka sim hun tawm mahmah a, mi zawng daipam pan a piang ka hih lam kiki phawk zel hi. Tan 10 ka laivuanpi takciangin, nitak nai 11:00 dongdong mah, Pi ong nusiat dah kawm sim, Ka Tappih ka Pu Tun KhawmZam leh ka it ka Pi PumKhawCing kalkhat (1week)hal in leitung ongnusiat san uh ciang in belhding leh bopding itpen ngaihpen te ing ong nusiat thuak hak ka sa mahmah a ka kap zongh ka kap thei kei phial hi. Khitui zongh luang theilo phial mawk in, kap leng zongh tamlolo pong bek mah hi mai hi. lawmnu ngai kawm sim sa in, laibu mai ah phah in, lungsim mundang huihlak ah...nuntakna huihkhi in ong len ta eee..

BA ka zawh dong mah, laibu luite khawm in, a awng lai gelhlo laimai te atkhia in laibu khat in khui in kumkik ciang in ka zat ding in ka bawl zel lai a; ka cil gamtat hi. Hauhna huangsung leh nopsakna kuamsung, gupna leh noptatna innsung pan in khumtak leh iplah huai tak a a suakkhia a khang khia Zovontawi khat ka hi kei a, Mi hehpih ding leh, phattuamna ding, a pha leh a nuam a nuntak na ding, sep na ding leh huh na ding bek bek nisim in ka lungtang ah ong tu velval hi. 2005 July in, E.P, leh Electronic Enginerring Certificat khat a ngah ding in ka sinzo hi. 2005 sung mah in, Bum leh Ai pawlkaht ka kan a, pawlkhat mah ka Pute ing ong hawm hi.

[edit] Ka Nuntakna tual

Zogam, Tedim Khuapi ah, Sakollam Vengpi ah ka teng hi. Ka ut leh nuam peuhpeuh kasak te pawlkhat ong gen leng; Lasa ding, Pasian thu tangko ding, Music bawl ding, Guitar, Piano keyboard te tum ding, tumging tuamtuam tawh lasa in lawmte tawh kithuah nuam ka sa hi. Computer leh IT lam zongh thupi sa in hunbei thabei sumbei liang in ka sin a nuam ka sa khop mahmah hi.

Minam in kei hang in phattumna leh lungnopna tampi a ngah ding ka vaihawmhawm hi. Hih ka ut te leh ka lunggulh te kam in ka ginkhiat sak khak ciang in, a za ka gei am om kalawmte khatpeuh in MIHAI ong ci san lel uh a, lawm, nang a dam lai na hia! khawng ong cih san se uh hi. Kei zongh Kizep kipuah thupi asa pawl ka hi masa kei a, Thu tampi theinuam, na tampi neinuam, mun lianpi ah omnuam leh, vailianpi gualzo nuam mipa khat in hih zah a a nuaikiat a zawngkhal nunna pan in a khangkhia ZAMSIANSANG in Ka it ka minam leh ka leitung mipih, Sian' Bawlsa ka hihpih khempeuh tung ah a tawntung leh a vek in ka Topa' deihna leh ka Pasian' ong deihna bangh in ka Hih zawh ka Hihtheih na ding in ka ki ap na te, Hih lai a sim mi mal khatciat in zongh phattuampih in, Phasiam ciat ni! Vanpi Khupzal pa leh Nual a Hingpi nu zahtak pia in kong la hi. PHASIAM